Bueno, azkenean berriro idazten hasi behar dut. Aurten DBH2-n nago eta informatikako klasea ez daukagunez, ba potrojorran egon naiz, egia esan gure Linik “kuerda” eman beharra dit ea lehenbailehen hasten naizen berriro. Hainbeste denbora pasatu den, pasahitza eta guzti ahaztu dut.

Bueno gaurko post honekin esan nahi dut nire itzulera sekulakoa izango dela eta tenis zaleei edo ez zaleei esaten diet animatzeko blog hau irakurtzea, oso ona da eta.

4. setean Nadalen fisioterapeuta botikinarekin batera kantxara joan zenean bere eskuineko belaunari masajea emateko eta benda bat jartzeko pista zentral guztia ahoa bete hortz gelditu zen. Hiru minuturen ondoren espainiarra kantxara itzuli zen, eta partidua berdindu zuen azkeneko setean %100 emateko. Baina Roger Federerrek, munduko onena eta Winbledon txapelketa lau aldiz irabazitakoak hegoak moztu zizkion.

Rafael Nadal espainiarra fisikoki ongi iritsi zen Winbledoneko finalera Roger Federer suitzarraren aurka jokatzeko baina esaten dutenez Nadal munduko onena da eta Fedrer ordea, beste galaxia batekoa.

Roger Federerrek final hau irabazitakoan Bjorn Borg suediar tenislari ohiaren errekorra berdindu zuen horrela Winbledona 5 aldiz irabazita.

Nadalek asko hobetu du bere jokoa belar gainean baina oraindik ere gehiago hobetu beharko du pizti hori belar gainean garaitzeko. Nahiz eta galdu denboraldi ona egiten hari da espainiarra eta ea egun batean munduko lehen postuan jartzen den.

Informazio gehiago jakin nahi baduzue tenisari buruz klikatu hemen.

Barkatu ia bi aste hauetan idatzi ez izana. Ia oporrak dira eta nekatuta nago, behintzat bihar bukatuko dugu DBH-ko kurtsoa.

Kontu hau alde batera utzita tenisari buruz idatziko dizuet normalean bezala. Seguruenik badakizuela, baina, jendeak ez badaki esan nahi dut Nadal tenislari espainiarrak bere hirugarren Roland Garros-a irabazi zuela Roger Federer tenislari suitzarrari hiru setetan irabazi ondoren.

Orain oraingo gauzak esango dizkizuet. Andy Roddick estatu batuarrak partiduko puntu bat salbatu zuen eta gero Rafael Nadal eliminatu zuen Nicolas Mahut frantziarrari irabazi zion 4-6, 7-6 (7) eta 7-6 (2)-rengatik Queen´s izeneko txapelketaren finalean, belarrezko pistan, Winbledonerako entrenamendu moduko txapelketan.

Orain tenislari estatu batuarrak Winbledon arte itxaron egin beharko du eta gainera 2004ean eta 2005ean iritsi zen finalera.

Informazio gehiago jakin nahi baduzue tenisari buruz klikatu hemen.

Roger Federer, munduko onena, Roland Garros txapelketako 9. gustukoena den Tommy Robredo espainiarra garaitu du gaur, asteartean, 7-5, 1-6, 6-1 eta 6-2rengatik, eta, gainera, suitzarrak ez du galdu set bakar bat ere 2006ko Estatu Batuetako irekiko txapelketatik gaur arte Grand Slam batean.

Bere hurrengo aurkaria Pariseko txapelketa honetan munduko laugarrena den Nikolay Davydenko errusiarra izango da Guillermo Cañas argentinarrari 7-5, 6-4, 6-4 irabazi ondoren.

Hauetatik aparte Nadal ere sailkatu zen Lleyton Hewit australiarrari 6-3, 6-1 eta 7-6rengatik eta Lleytonek orain esaten du Nadal ikusten duela Pariseko irekiko txapeldun bezala.

Nesketan, ordea, Henin belgikarra final-erdietan dago jadanik Serena Williams estatu batuarrari 6-4 eta 6-3 irabazi baitzion, Ana Ivanovic tenislari serbiarra final erdietan dago ere Svetlana Kuznetsovari 6-0, 3-6 eta 6-1 irabazi baitio gaur arratsaldean eta Jelena Jankovic serbiarra ere final-erdietan dago Nicole Vaidisova txekiarrari 6-3 eta 7-5engatik garaitu baitio.

Informazio gehiago jakin nahi baduzue tenisari buruz klikatu hemen.

Gaur Rafael Nadal tenislari espainiarrak bere 21. urtebetetzea ospatu du Roland Garros-en eta herrialdeko telebista kateen aurrean magurdizko pastel batekin jarri da xanpain frantziar pixka bat edaten.

ZORIONAK TXAPELDUN!!!!!

FEDERER FINAL-LAURDENETAN DAGO JADANIK ETA ROBREDOREN AURKA JOKATU BEHARKO DU

Roger Federer suitzarra, munduko onena, Roland Garroseko final laurdenak harrapatu ditu gaur Mikhail Youzhny errusiarra 7-6 (3), 6-4, 6-4rengatik garaitu ondoren 2 ordu 25 minutu iraun dituen partidu batean, eta orain Tommy Robredo espainiarraren aurka jokatuko du honek Filippo Volandri italiarra 6-2, 7-5, 6-1rengatik garaitu baitu.

Gaurkoarekin kontatuta, suitzarrak 10 aldiz garaitu du errusiarra. Rogerri irabazteko falta zaion Grand Slam bakarra Roland Garros da eta momentuz 8 onenen artean dago set bakar bat ere galdu gabe.

HENINEK SERENAREN AURKA JOKATUKO DU FINAL-LAURDENETAN

Justine Henin belgikarra, gustukoena eta tituluaren defendatzaile, gaur lortu du Roland Garroseko final- laurdenetarako pasea munduko 20. onena den Sybille Bammer austriarrari 6-2, 6-4rengatik irabazi ondoren ordu bat eta 24 minututan eta Serena Williams estatu batuarraren aurka jokatuko du, honek 6-2 eta6-3rengatik garaitu baitzuen Dinara Safina errusiarra 77 minututan.

Bi tenislari hauek 9 aldiz jokatu dute elkar eta 6 irabazi ditu estatu batuarrak. Horrek ez du esan nahi ezer, edozeinek irabazi dezake. Nire ustez belgikarrak irabaziko du, eta zuentzat?

Informazio gehiago jakin nahi baduzue tenisari buruz klikatu hemen.

Gaston Gaudio argentinarrak oso gaizki jokatu zuen Roland Garroseko bigarren errondan Lleyton Hewitt australiarraren aurka, 4-6, 3-6, 6-2, 6-4, 6-2rengatik galdu baitzuen hiru ordu eta 28 minutu iraun zituen partiduan.

2004eko txapeldunak bere tenisik onena erakutsi zuen lurrezko lurzoruan, gainera ez da bere lurzorurik gustukoena. Gero ordea gauzak okertzen joan ziren eta azkenean oso gaizki jokatu zuen partiduaren bukaeran, noski, Hewittek orduan aprobetxatu egin zuen.

Errebesa erabili zuen gehien bat, Gaudiok erraztasunez irabazi zituen lehenengo bi setak Pariseko irekian, ematen zuen orain dela lau urteko txapelduna berriro itzuli zela, azkeneko jokalaria titulu hau altxatzen Nadal iritsi zen baino lehen.

Horren ondorioz, Hewitt aurrera dihoa txapelketan eta bere hurrengo aurkaria Jarkko Nieminen, 20. faboritoa, eta hori irabazten badu Nadalen aurka jokatu beharko du, noski Nadalek, tituluaren defendatzaileak eta bigarren gogokoenak, ere partidu guztiak irabazten baditu.

Informazio gehiago jakin nahi baduzue tenisari buruz klikatu hemen.

Atzo hasi zen Roland Garros, denboraldiko bigarren Grand Slam-a eta lurrezko lurzorua dagoen txapelketetatik onena. Munduko bi erraketa onenak, Roger Federer suitzarra eta Rafael Nadal espainiarra, aspaldidanik aurkitzen dira Frantziako hiriburuan eta pasa zen ostegunetik hasi ziren entrenatzen “Boloniako Basoko” pistetan. Alde batetik, Mallorkakoa 2005ean lortutako titulua babestu nahi du eta beste aldetik, suitzarra, espainiarra berriro ere irabazten saiatuko da Roger-Rafa izan behar den finalean.

Roger Federerrek Jonathan Eysseric izeneko 17 urteko eta ATP sailkapeneko 818. tenislari frantziarra ekarri du berekin bere entrenatzailea zen Tony Roche bota zuelako Erromako Masters Serietik eliminatu zenetik. Eysseric, Australiako junior irekiko finalista izanda denboraldi honetan, ezkerra da eta Rafaren antza du bere jokoan, horrek esan nahi du, Federerrek, Nadalen jokoa aztertu nahi duela eta eta kezkatuta dagoela.

Eysseric Hamburgoko Masters Seriean entrenatu zuen Rogerrekin eta berdina egingo du Parisen, txapelketako antolatzaileen inbitazio bat aprobetxatuz.

Informazio gehiago jakin nahi baduzue tenisari buruz kliaktu hemen.

Ostiralean, Teniseko taldekako Gipuzkoako txapelketa eduki genuen Ordizian eta pasa zen urtean bezalaxe berriro ere irabazi egin genuen. 2-1 irabazi genuen Oiangurenekoen aurka, banakakoetan Mikelek 6-3 garaitu zuen Ibon Guerra eta Beñatek ,berriz, galdu egin zuen 6-2 Aitor Gonzalezen aurka. Mikel amorru handiz gelditu zen partiduaren ondoren, zeren, Gipuzkoako banakako txapelketan galdu egin baitzuen Ibonen aurka final-erdietan eta orain ,berriz, irabazi egin dio. Gipuzkoako txapeldunen titulua binakakoetan erabaki zen Beñat eta Mikel Ander Galparsoro eta Unai Aranaren aurka 6-1 irabazita.

Nik ezin nuen jokatu, belaunean edukitako zauria errekuperatzen ari zitzaidan eta. Oraindik aste bat edo gehiago egon beharko dut kirolik egin gabe.

Berez Donostiako Igara auzoan jokatu beharko genuen finala ,baino, bi taldeak Ordiziakoak zirenez, Ordizian izan zen finala. Sariak hartzera atzo 14:30etan joan ginen Beñat eta ni Mikelek Igeriketako txapelketa baitzuen Azpeitian. Eskerrak Mikel ez zen joan, sekulako desastrea baitzen sari banaketa. Gu antolatzailearengana joan beharra izan genuen txapeldunak ginela esatera eta orduan sariak eman zizkigun: kopa bat, hiru domina eta erraketako mangoan jartzeko hiru zinta bakoitzarentzat. Baina hori baino lehen, sariak hartzera joan zenean antolatzailea, gu eskaileretatik gora joan ginen eta bera etorri zenean beste mutil batzuei hasi zen saria ematen, eskerrak guk oihu egin genuen, bestela saririk gabe geldituko ginen. Lehengo urtean behintzat sarien zeremonia zegoen, aurten ,ordea, zorionak bakarrik esan zigun antolatzaileak.

Ea hurrengo urtean ere taldekako txapelketa irabazten dugun, AUPA JAKINTZA!!!!

Informazio gehiago jakin nahi baduzue tenisari buruz klikatu hemen.

Dakizuenez, biedo gutxi jartzen ditut nire blogean, baina, oraingoan bat jarriko dizuet. Bideo honetan Nadal, Gasol eta Ronaldinho izarrak azaltzen dira. Ea gustatzen zaizuen.

Final handia munduko bi onenen artean jokatutakoa, baina, baina bat du, tenislari espainiarrak ez duela txapelketa irabazi, horren ondorioz, errekorra bukatu da, eta pena bat da, hala ere, denok genekien garaipenen bolada noizbait bukatu behar zela, tamala espainiarrak hasieratik erreza zuela ematen zuen partidu batean gertatu dela.

Partiduko lehenengo jokuak esaten zuen partidua oso luzea izan behar zela, zeren, Roger Federerrek abantailako bost bola behar izan baitzituen markagailuan lehenengo jokoa azaltzeko Lehenengo setean tenislari suitzarra ez zen bere tenis bikaina erakusten ari, baina, bigarrenean, sekulako aldaketa egin zuen. Espainiarrari ordea, kontrakoa gertatu zitzaion, lehenengo setean baino gaizkiago jokatzen hasi zen.

Azkenean, Rafa ezinean zebilela, 2-6, 6-2 eta 6-0 bukatu zen partidua Rogerren alde. Behintzat Rogerrek ez duen errekor bat jarri zuen, hau da, 81 partidu lurrezko lurzoruan galdu gabekoa.

Informazio gehiago jakin nahi baduzue tenisari buruz klikatu hemen.